ნიკო გომელაური - არშემდგარი პაემანი

ნიკო გომელაური - არშემდგარი პაემანი

კაკუნი... ,,-ვინ არის?
მემგონი,არ გინობთ?!''
-წვეთი ვარ მდინარის...
ახლავე განგივრცობთ:

მოვძრავდი...მივძრავდი...
ოღონდ თქვენ მიბრძანეთ...
ოღონდ დამიწყნარდით
და არ გამიბრაზდეთ...

აღარ შემიძლია,
თქვენით მე რომ ვთვრები...
დაშლილი ღვიძლია
თქვენდამი სტროფები...

თქვენდამი სტროფები
-გულის შეფეთქება!
ტრფობით გავცოფდები
-ცოფი შემერგება...

მიმამეთ!..მიშვილეთ!..
თქვენი ვარ მოყვარე...
აი,მოგიშვირეთ
მეორე ლოყა მე...

დრო არის ფინალის!
-თავიდან დავიწყოთ...
კაკუნი... ,,ვინ არის?
ხომ ვთქვი,რომ არ გიცნობთ!..''